كم يمتص الجلد من سموم

السلام عليكم ورحمة الله يا حلوين

دراسة جديدة لسه واقعة في ايدي من يومين
 احنا عارفين ان الجلد هو اكبر عضو في الانسان.
الدراسةبتقول ايه بقي الدراسة دي ان المراة جسمها بيمتص سنويا 2 كيلو من المواد الكيميائية منهم مواد مسرطنة من الشمبوهات ، ورش البرفنات علي الجلد ، و المكياج ، والكريمات ،
 وكل الحاجات دي بتقول ان الخطير ان مافيش دراسة قدرة تربط بين السرطان ومادة معينة انها بتجيبه ليه لانها مش مسسبات فورية ده مع الترسب في الجسم بيبدء يحصل التحور السرطاني اعزنا الله واياكم
المهم الدراسة نصحتنا بايه ؟
1- تقليص استخدام المنتجات الصناعية وتبدله بمنتجات طبيعة .
2- تجنب استخدام الماركات الغير معروفة من المكياج .
3- لازم يوميا ناكل خضروات من العائلة الصليبية الكرنب والقرنيط والبروكلي والخس والجرجير الرجله واللفت والفجل لانهم بيسعدو الجسم يتخلص من المواد دي
وكمان بيسعدو الكبد ان يعيد بناء نفسه وده بدوره هيخليه يتخلص من المواد دي ده غير انه هيساعد البشرة تكون نضرة وبصحة كويسة فمش هتحتاجي منتجات كتير للعناية ولا ميك اب كتير تدريها .
4- قالت كمان ان ممارسة الصيام المتقطع علي فترة غير متباعدة فالصيام المتقطع بيعمل حاجة غريبة جدا لما الجسم يتخلص من السكر الي في الدم عايز طاقة هيجيب منين بقي قالو بياكل نفسه يعني ايه يعني بيلاقي خلية  في بداية التحور يكسرها ويتخلص منها منه ياخد منها طاقة ومنها ينهي حياتها قبل ما تتحور وكمان يخلي الجسم يجددها بخلية جديدة .
وبس كده ده موضعنا النهارده
 واخيرا دمتم جميلات وبصحة
سلام 😘😘.   

   
#صحة #جمال #لايف_استايل