رجيم السعرات الحرارية ( حساب الكالوريز)

السلام عليكم ورحمة الله
اول دايت حبه اتكلم عنه هو دايت  السعرات الحرارية لانه تقريبا اساس كل الانظمة
 الا كم نظام معتمد علي نوع الاكل مش سعراته
ببساطة كده هو نظام غذائي قائم علي حساب السعرات الحرارية الي محتاجها الجسم وبعدين عايزة تخسي بتطرحي 500 لو عايزة تزيدي بتزودي 500 ولو عايزة تثبتي بتخدي سعراتك زي ما هي
ليه انا بحب النظام ده لانه نظام سهل تطوعيه وسهل تتحكمي فيه لو لغبطي مثلا
انا لو باخد 1500 سعرعلشان اخس ممكن اخدهم بحاجات مش صحية وهخس اي نعم بتاثر طبعا علي الصحة انما نزول الوزن مش بيتاثر خالص او اخد وجبة او سناك مش صحي بس محسوب السعرات وبرضو مش هياثر في نزول الوزن
ايه الي محتاجه في النظام ده علشان تطبيقه صح
1-ميزان مطبخ ( حلو علشان لما تعملي حلويات تظبط 😋)

2-برنامج تحسبي عليه سعرات الاكل الي بتكليه

3- تحسبي سعراتك الي محتاجها صح وتطرحي او تزودي او تثبتي

بس النظام ده ممل في الاول الحقيقة بس زي ما قولت مرن جدا ممكن تلغبطي يووم كامل بدون ما تخرجي عن سعراتك هتخسي برضو
كمان المفاجئة بقي ان الجسم بيتعامل مع السعرات بشكل اسبوعي مش يومي بمعني ان ممكن اخد يوم 1200 سعر وما تقليش ابدا عن 1200 في اليوم علشان ده الي الجسم بيحرقه في العمليات الحيوية
واليوم الي بعده اخد 1800 سعر  وهكذا المهم ان بعد 6 ايام  من الدايت سعراتي ما تعديش ال 9000
وكمان الناس الي بيحبو يخدو يوم كامل فري مش وجبة ممكن يزودو علي سعرتهم 1000 ويخدو اليوم كله فري بس ما يعدوش السعرات
مثلا انا محتاجة 2000 سعر علشان وزني يفضل ثابت هزود عليهم 1000 هيبقو 3000 هقسمهم علي يومي وده هيكون اليوم الفري بتاعي

اخيرا بقي ازاي تحسبي في معادلة     الي هي
 العمر×4.7 × 1.9×الطول (ب السّنتيمتر) + 9.6 × الوزن (بوحدة الكيلوغرام)+ 655.1

    بعدين تضربيها في النشاط
1.3
او تستخدمي برنامج اسمه حاسبة الوزن المثالي
دي صورته
 هيحسبهالك وكمان هيقولك لو عايزة تخسي او تزيدي تخدي كم سعر بالظبط
والبرنامج بتاع حساب سعرات الاكل اسمه ايزي فيت  دي صورته

وكمان في امكانية انك تخلطي مكونات وتحسبي سعرتهم او لو معاكي حاجة محسوب سعرتها تدخليها وتحفظيها علي البرنامج


دمتم جميلات وبصحة 😘😘😘


#دايت_السعرات_الحرارية #دايت # اكلات_صحية
#حساب_السعرات_الحرارية
#حساب_الكلوريز