العناية بشعر الاطفال من عمر يوم لحد سن البلوغ

السلام عليكم ورحمة الله وبركاته
هنتكلم عن العناية بشعر الاطفال من عمر يوم لحد سن البلوغ
الاول بس حبه اقول ان شعر الاطفال بيتغير كتير  لحد سن البلوغ بعد البلوغ بيبقي ده الشعر الحقيقي يعني مش الحلاقة الي هتخليه كيرلي وهو كان ليس مثلا 
كمان الروتين مش هدفه التنعيم
هدفه ان نوصل بالشعر لافضل حلاته
و عايزين نصحح مفهوم ان الشعر الحلو سايح ونايح الشعر الحلو كثيف وصحي وطويل
نبداء بقي
الاول كل الي هنحتاجه
شامبو اطفال ( بفضل سانوسان)

زيت زيتون
وزيت جوجوبا
وبس
الاطفال من يوم ل تحت سنة
بنعمل حمام زيت زيتون بالذات لو في قشرة في فروة الراس زيت زيتون بس مش زيت اطفال ومش اي زيت تاني ده اامن زيت للاطفال بنسيبه 5 دقايق بالضبط  ونسرح بمشط بيبي بدون حك علشان القشر الطري يطلع  وبنغسل الشعر بالشامبو وبس كده   مع الوقت هتلاقي القشرة السخيفة الي بتكون في البيبي بتقل
وبنسرح الشعر بفرشة بيبي
الي كانت عندي كانت ماركة شيكو كانت معمولة من شعر الحصان 😂😂😂

المرحلة التانية بعد سنة لحد سنتين
لو الشعر طويل بنجيب مشط خشب لو لسه بيتسرح بفرشة البيبي نخلينا عليها
قبل الشاور بنحط زيت زيتون برضو لمدة ربع ساعة
بنعمل مساج خفيف لمدة 3 دقايق
بنغسل الشعر بالشامبو
بعد الشامبو لو في هيشان في الشعر او ناشف حبه والشعر مبلول 80%  بنحط نقطتين زيت جوجوبا علي الشعر مش الفروة

مرحلة من سنتين لحد 7 سنين
ممكن نختار بين زيت الزيتون او زيت جوز الهند
لسه مش بنخلط زيوت هو نوع واحد
بنعمل حمام زيت ونزود الوقت تدريجي لحد ما نوصل لساعة خدو بالكو ان الاطفال غيرنا ساعات حمام الزيت بيعمل لهم صداع
ماتغرقيش شعر الطفل بالزيت يا دوب يكون كافي تعمل تدليك للفروة لمدة من 3 ل 5 دقايق
شعر لحد الكتف مثلا مش هيحتاج اكتر من 5 سم زيت
وهنغسل الشعر بالشامبو بس دلوقتي هنخففه بماية مش هنحط الشامبو خام ابدا  الا لو كان الشامبو خالي من السالفيت هنغسل الفروة ونسيب ذيل الحصان دلوقتي ندلك الفروة كويس لو محتاج شامبو مش بنشطف الشعر لا بنخفف حبة شامبو كمان ونحطه علي الشعر لحد ما يعمل رغوة كافية وندلك الفروة كويس وبعدين ناخد الرغوة وننزلها علي الذيل حصان وندلكه بسيط وممكن نسرح الشعر بمشط واسع لو الشعر صعب التسليك وبعدين نشطف الشعر
 هنلف الشعر بفوطة فايبر مش قطن او تيشرت قديم ونسيبه 10 دقايق بعدين هنحط زيت جوجوبا ونسرحه
مانسرحش الشعر ابدا ابدا وهو ناشف غير كل ما نحس ان الشعر جاف وده حسب كل شعر في شعر هيحتاج مرتين في اليوم وفي شعر هيحتاج مرة وفي شعر يوم ويوم فاهمني هنركب الشعر بماية ونحط زيت تاني
يا ريت نجيب بونيه ستان للطفل ( مالقتهوش بيتباع عملته علي ايدي)
ينام بيه بالذات البنات وده هينفع الامهات جدا ايام المدارس لان هي هتسرح الشعر من بليل والبنوته هتلبس البونيه والصبح يا دوب الام هتلم الشعر بايدها كده بدون مشط هتمشطه بايدها  هتلاقي الشعر شكله حلو اوي
او ينامو علي مخدة ستان ( المفروض كلنا نعمل كده مفيدة للبشرة والشعر)
بلاش نطول الشعر الفترة دي عن اخر الرقبة خلينا نقوي البصيلات علشان الشعر يبقي كثيف مش يطول ويخف
مرحلة من 7 سنين للبلوغ
هنستخدم شامبو اطفال او شامبو طبي
حمام الزيت ممكن نخلط 3 انواع بس زي زيتون وجوز هند وخردل المزيج ده هايل للتطويل
او زيتون وخروع وخردل وده بيطول ويزود الكثافة
او زيت جاهز مكتوب عليه انه ينفع للاطفال
هنسيب الزيت علي الشعر ساعتين
ممكن نستخدم بلسم بدون سيلكون علي ذيل الحصان بس
هنخفف الشامبو برضو وهنغسل الشعر بنفس الطريقة الي فاتت
بما اننا بنطول الشعر فكل يوم هنبلل الاطراف ونرطبها بزيت جوجوبا لو الشعر كل يوم بيحتاج يترطب هنرطبه كله
كل 4 شهور هنقص الاطراف
نصيحة بلاش شد الشعر علي اد ما تقدري وانت بتلمي الشعر يبقي مرخي لو تقدري تسبيه سبيه لو لازم يتلم يبقي بلاش شد المنظر ده حرام

في سن المدارس يا ريت نستخدم مشط حشرات علي الاقل مرة كل اسبوع
لو في تساقط او مشكلة في الشعر نروح لطبيب جلدية
النظام ده الي قلتهولي طبيبة الجلدية الي بروح لها
واي سؤال تحت امركم.



       #العناية_بشعر_الاطفال #تطويل_الشعر # تكثيف_الشعر  #العناية_بالشعر
#سنوسان
#haircare #babyhaircare