زيت طبيعي مكون من زيت بذوردوار الشمس و زيت جوز الهند وزيت بذور القطن وعطر
بما اني بفضل المنتجات الطبيعية حاليا وبحد من استخدام المنتجات الغيرطبيعية لما سمعت عنه حبيت اجربه
اولا اتاكدت انه مافهوش زيوت معدنية قبل ما اشتريه ثم اشتريته
اول ما فتحته ريحته حلوة اوي هادية بس مش بتتدوم وقت طويل ده كان اول انطباع عنه
بيستخدم علي بشرة مندية بيرطب حلو اوي لدرجة انك لو بتستخدمي صابون طبيعي مش هتحتاجي ترطبي لمدة يومين حتي بعد الشاور غير بس المناطق الي بتكون جافة زي الركب والاكواع لو بشرتك عادية هتحتاج تترطب
استخدمته علي شعري مبلول قلل الهيشان جدا بس ليوم مثلا (شعري بيفقد الترطيب بسرعة)
قولت استخدمه لوشي بقي حلو وبيتشرب بسرعة لكن بعد اسبوع حسيت ان ظهرلي بثور سودا علي الانف ممكن لاني بفضل ابطل الروتين الاسبوعي لما بجرب منتج جديد علشان اعرف نتيجته هتكون ازاي بالظبط وممكن لان الجو كان حر شوية و وشي دهني ومش عارفة بس مانسبش او حبيت الي بستخدمه لوشي اكتر
سعره 50 جنية حجم ٢٠٠ ملي من اي هايبر جربو وقولو رايكم ايه
#زيت_ بيبي_جونسون #بلوجر_مصريات #عناية_بالبشرة
#selfcare #bodycare #Johnsonbabyoil
تعليقات: 0
إرسال تعليق